ജനലഴികളിതിലിനിയുമെന് വിരല് പാടുകള്
പതിയുകില്ലിനി ഞാന് നടക്കാം...
ജനിമൃതികളിതു പൊഴിയുമൊരു പൂവിനിതളായി
വിജനതയിലിനി ഞാന് ലയിക്കാം...
പതിയെ നാമൊരുമിച്ചു പലനാളിലോര്ത്തൊരാ-
കനവുകളതെല്ലാം മറക്കാം...
മിഴികളില് മിഴികളാല് മൊഴികള് പകര്ന്നൊരാ
നിനവുകള് മൗനമായ് മായ്ക്കാം..
ജാലകപ്പാളിയില് കണ്നട്ടു നീയെന്നെ
ഓര്ത്തുനില്ക്കുന്നൊരാ രാവില്..
മഴയായി മൗനമായ് നിന് കണ്ണുനീര് കോര്ത്തു
നീര്ഹാരമേകാം നിനക്കായ്...
വാതില് തുറന്നീപ്പിറാവുപോല് പാറി-
പ്പറന്നു ഞാന് ദൂരെയ്ക്കു പോകേ...
'ഓര്മ്മകള് മാത്രം' നിനക്കായി നല്കുവാന്
ആഗ്രഹിക്കുന്നതില്ലിന്നും...!!!
No comments:
Post a Comment