ആറ്റിന്‍കരയിലെ നാട്ടുപുല്‍പച്ചപ്പിലേറ്റം
ഇരുന്നങ്ങുരുണ്ടു കളിച്ചതും..
കാട്ടു ചെടികള്‍ പറിച്ചും പെറുക്കിയോ-
രോട്ടകരിക്കിലെ വെള്ളം കുടിച്ചതും
തോട്ടിലെ മീനിനെ കൈകളാം കുമ്പിളില്‍
കോരിയെടുത്താ കിണറ്റില്‍ കളഞ്ഞതും
ചാറ്റല്‍ മഴയില്‍ നാം നീന്തിത്തുടിച്ചതും
കാറ്റിന്‍ കുളിര്‍മ്മയില്‍ ആകെ വിറച്ചതും..
ആമ്പല്‍ പറിച്ചു നല്‍-മാലകൊരുത്തതും
ആകെ ചെളിയില്‍ പുരണ്ടു മറിഞ്ഞതും..
ഓര്‍ക്കവേ ബാല്യത്തില്‍ നിന്നു മറഞ്ഞൊരീ
നാളിതില്‍ നമ്മളാണേറ്റവും ദുഖിതര്‍..