Tuesday, December 25, 2012
Tuesday, October 23, 2012
തുലാവര്‍ഷം..
വര്‍ഷധ്വനി അരികിലണയവേ...
പകല്‍ മറഞ്ഞ കാര്‍ത്തിക സന്ധ്യകളില്‍,
മഴത്തുള്ളികള്‍ മിന്നല്‍ പിണരുകളാല്‍
പ്രശോഭിതമാക്കപ്പെടുന്നു..!
ഇടിനാദം കര്‍ണപുടങ്ങളില്‍ മഴയുടെ,
ശൌര്യ ഗാഭീര്യം അറിയിക്കവേ
തുലാവര്‍ഷരാവുകള്‍ വര്‍ണ്ണവിസ്മൃതിയുണര്‍ത്തും,
നിറനിലവിളക്കുപോല്‍ അവിസ്മരണീയമാകുന്നു...!!!
Saturday, September 1, 2012
പ്രതീക്ഷ
പൊഴിഞ്ഞു വീണ ഇലകളാല്‍ മൂടപ്പെട്ടിരുന്നു ആ ഇടവഴിയും...!
മഴത്തുള്ളികള്‍ പെയ്തിറങ്ങിയപ്പോള്‍, ചലനമറ്റ അവരുടെ ഹൃദയ ധമനികളിലും,
ഒരു പുതുജീവന്‍ പടര്‍ന്നിരിക്കാം...!
ഏകാന്തത, അവര്‍ക്കൊപ്പം എന്നിലും തണുപ്പായ്
നിറയുന്നത് ഞാന്‍ അറിയുന്നുണ്ടായിരുന്നു...!!
എങ്കിലും ഞാന്‍ നടന്നു...! കൊഴിഞ്ഞു തീരാന്‍,
വസന്തം നിറച്ച ഒരുപാട് ഓര്‍മകളുടെ ശേഷിപ്പുകളുമായി...!
ഒരു മഴത്തുള്ളിയുടെ കുളിര്‍മയെങ്കിലും,
അവയെ വീണ്ടുമുണര്‍ത്തുമെന്ന വ്യര്‍ഥമായ
സ്വപ്നങ്ങളും സങ്കല്‍പ്പങ്ങളുമായി...!!!
Saturday, August 11, 2012
സന്ധ്യ...
മന്ദഹാസമുണ്ടായിരുന്നു അവളുടെ ചുണ്ടുകളില്‍...
മഞ്ഞുപെയ്തൊഴിയുംബോളും,ഓരോ ഹിമകണവും
അവളുടെ പുഞ്ചിരി പകര്‍ത്തിയെടുക്കുന്നുണ്ടായിരുന്നു...!
വീശാന്‍ മറന്നു കാറ്റുപോലും ആ വശ്യതയില്‍
സ്വയം ലയിച്ചു നില്‍ക്കവേ, ഇമവെട്ടാതെ, അവളറിയാതെ,
ആ മനോഹാരിത ഞാനും ആസ്വദിക്കുന്നുണ്ടായിരുന്നു!
ഇരുളിന്റെ ആഴങ്ങള്‍ അവളെ തിരികെ വിളിക്കുമ്പോഴും-
നിസ്സഹായനായ് നോക്കിനില്‍ക്കാനേ എനിക്കു കഴിഞ്ഞുള്ളൂ!
ഒടുവില്‍ കൊഴിഞ്ഞു വീണ ആ യാമങ്ങളുടെ ഓര്‍മകളും പേറി
ഞാന്‍ തിരികെ നടക്കുമ്പോള്‍, ആരോ മനസ്സില്‍ മന്ദ്രിക്കുന്നുണ്ടായിരുന്നു!
"സന്ധ്യ! അവളെത്ര സുന്ദരിയാണ്...!!!"
Subscribe to:
Posts (Atom)